866 TESTAMENTS ENREGISTRÉS AU PARLEMENT DE PARIS (606)
des filleuls du greffier ayant demandé que la somme à lui le'guée lui fût délivrée en bons francs et en forte monnaie, le Parlement décida, par un arrêt du 18 fé­vrier i 422, que les legs seraient acquittés en francs d'or, à raison de seize sous Parisis lo franc (Arch. Nat.,x1* i48o, fol. 246 v°; x1* 470,3, fol. 12/1, 126,127). Nicolas de l'Espoisse eut pour successeur, dans sa charge de greffier des présenta­tions, Pierre de la Rose, notaire du roi.
A tous ceulx qui ces presentes lettres verront, Giles, seigneur de Clamecy et de Prouvays, conseillier du roy nostre sire et garde de la prevosté de Paris, salut. Savoir faisons que par devant Giles Ha­llage et Helie Prestic, clers notaires jurez du roy nostre dit seigneur de par lui establiz en son Chastellet de Paris, fut pour ce present en sa personne honnorable homme et saige, maistre Nicolas de l'Es­poisse, notaire et secretaire du roy nostre sire et greffier des presenta­tions de la court de Parlement, sain de corps et d'entendement, si comme il disoit et qu'il apparoit de prime face, lequel voulant pour­veoir au salut de son ame et ordonner des biens à lui donnez en ce monde par la grace de Dieu et de sa glorieuse mere, considerant qu'il n'est chose tant certaine que de la mort à toute creature humaine ne plus incertaine que de l'éure d'icelle, fist, disposa et ordonna par de­vant les diz notaires, et par ia teneur de ces presentes fait, dispose et ordonne son testament ou ordonnance de derreniere voulenté, ou nom du Pere, et du Filz et du saint Esperit en la maniere qui s'ensuit :
Premierement, le dit maistre Nicolas recommanda et recommande devotement son ame à Dieu nostre createur, à la saincte Trinité, à la benoite Vierge Marie et aux glorieux apostres saint Pierre, saint Pol et saint Jaques, à saint Michiel l'archange, saint Anthoine, saint Martin, saint Mathurin, saint Nicolas, à la benoite Magdalene, saincte Katherine, et à tous les angles et archanges, sains et sainctes, pa­triarches, et à toute la glorieuse compaignie de Paradiz.
Item, voult et ordonna le dit maistre Nicolas testateur, que premie­rement et avant toute euvreses debtes et torfaiz, dont il apperra deue­ment et sommierement sans grant difficulté de preuve, soient paiées et amendées, et esleut sa sepulture en l'eglise madame Saincte Genevieve